Guney Azərbaycandan son xəbərlərı  Azərbaycan bölməsinə hazırlayan Eluca Atalı

 

 

 

Güney Azərbaycanda kürldərin türklərlə münaqişəsi şiddətlənir

Masud Barzani İraqın şimalında tanınmış siyasi liderlərdəndir.Kərkükdə türkləri genosid edib və məqsədi 40 milyonluq kürd dövlətini yaratmaqdır.Ən təccüblüsü budur ki, İranda yaşayan kürd tələbələr Təbriz Universitetinin rəhbərliyindən icazə alıb vaxtı ilə Hələbçədə ölənlərin yas törənini keçirmək məqsədi ilə kürdlərin nümayişinə qoşulmuş və "Yaşasin Barzani", "Yaşasın Böyük Kürdüstan" şüarlarını irəli sürmüşdürlər.Məlumat üçün qeyd edək ki,Hələbçə İraqda yerləşən kürd şəhəridir və oranı Səddam Hüseyin kimyəvi bomba ilə bombalamışdı.Bu silahın təsirindən yüzlərlə kürd ölmüşdü.Amma son zamanlar İraqın keçmiş Xarici İşlər Naziri Tarix Əziz bildirmişdi ki, bu ərazini Səddam yox, İran dövləti İran -İraq müharibəsi zamanı bombalamışdır.

 Qeyd etmək lazımdır ki, son zamanlar Təbrizdə baş vermiş bu hadisəyə  pejak kürd silahlı qüvvələrinin Azərbaycanın qərb vilayətində terror əməliyyatlarını artırmaqları rəvac vermişdir. Belə güman etmək olar ki, İran fars rejimi və onun təhlükəsizlik orqanları  çalışırlar ki, Azərbaycan türkləri ilə kürdlərin arasında ixtilaflar çoxalsın və özlərini zərbə altından çıxartsınlar.

 Əlbəttə, bu gün Güney Azərbaycanda milli hərəkatın gücü var ki, biz bunu son bir ildə baş verən hadisələr zamanı gordük.Azərbaycanlıların Ana Dili Günü keçirmələri bunu sübut edir. Amma ümumiyyətlə, ”Yaşasın Barzani” və ”Yaşasın Böyük Kürdüstan” şüarları ilə çıxış edən kürdlər Güney Azərbaycan torpaqlarının böyük bir hissəsinə də sahib olmaq iddiasındadırlar və bununla da İran fars rejiminin dəyirmanına su tökürlər.

 

Səfərəli Xoyini zəmanətlə müvəqqəti azadlığa buraxıldı

Aldığımız məlumata görə Zəncanlı milli aktiv Səfərəli Xoyini 18 gün həbsdə qaldıqdan sonra 30 milyon tümən ödəməklə zəmanətlə azadlığa buraxılmışdır.Qeyd edək ki, Zəncanda Ana Dili Günü ilə bağlı 27 nəfər həbs edilmişdir ki, onlardan artıq 26 nəfəri azadlığa buraxılmış və yalnız Cəlil Ğənunu zindanda dustaqdır.

 

Sulduzda Universitet müəllimi inqilab məhkəməsinə çağrılıb

Aldığımız məlumata görə Sulduz şəhərində Peyamenur  Universitetinin müəllimi doktor Pərviz Məhəmmədəli Sulduzdakı  inqilab məhkəməsinə çağrılıb.Buna səbəb kimi onu keçən il Güney Azərbaycan ərazilərində baş verən məlum may hadisələrində günahkar bilinməsidir.Amma ümumiyyətlə, onun niyə ora çağrılması hələ ki, dəqiq məlum deyil.

   

Zəncanda olan müharibə əlillərinin durumu ağırdır

Fars xəbər agentliyinin verdiyi məlumata görə Zəncanda yaşayan və İran - İraq müharibəsi zamanı əlil olmuşların durumu ürəkaçan deyil.Əlillərdən biri xəbər agentliyinə vəziyyətləri haqqında məlumat vermiş və müharibə zamanı kimyəvi və qeyri...kimyəvi silahlarla yaralanıb xətər alıblar.İndi onların ciddi müalicəyə ehtiyacları var , dövlət bununla bağlı onlara  pulsuz dərman verir ki, onlar da ailələrinin, yəni arvad - uşaqlarının yaşaması üçün məcbur olub qara bazarda onu satırlar.

Qeyd edək ki, Tehran rejimi onları canlı şəhid adlandırır və bu hakimiyyətin qalması üçün onlara borclu olduğunu bildirir.İndi bu şəxslər  əlildir və dövlətə heç bir xeyirləri yoxdur. Elə bu səbəbdən də dövlət onları unutmaq istəyir.

 

Güneydə türk dilinə qarşı cərimə sandıqları

Təbrizin 85 km qərbində yerləşən Minik kəndində iki məktəb var. Onlardan biri ibtidai sinif şagirdləri üçün nəzərdə tutulmuş "Şərəf" və orta məktəb şagirdləri üçün olansa "Pərvinetisami" adlanır.Hər iki məktəbin rəhbəri milliyyətcə farsdır və onlar hər iki məktəbin giriş dəhlizinə böyük bir sandıq qoyublar ki, bu məktəblə və ya müəyyən hadisələrlə bağlı arzu və təklifi yığmasındandan ötəri deyil. Burda kim TÜRK DİLİNDƏ danışarsa, ora pul salıb cərimə ödəməlidir.Təkcə binanın içində yox, eyni zamanda məktəbin həyətində də Azərbaycanlı uşaqlar türk dilində danışarlarsa, bunu ödəməlidirlər və məbləğ 20, 50, 100 tüməndir.Qeyd edək ki, buna dərs zamanı müəllimlər və digər vaxtlar nəzarətçilər diqqət yetirirlər. Qeyd etmək lazımdır ki,  ibtidai sinfə gələn türk balaları fars dilində qəti bilmələrinə baxmayaraq, cərmənin qorxusundan müəllimə heç bir sual vermir və bilirlər ki,əgər  sual edərlərsə cərmə ödəməli olarlar və bu da onların  yoxsul ailələrinin imkanı xaricindədir.

 Şübhəsiz ki, "Şərəf" və "Pərvinetisami" məktəblərindəki bu hadisələr YUNESKO ..nun milli mədəniyyətlə bağlı prinsipinə ziddir və körpələrə ana dilini qadağan elətdirmək cəhdi GENOSİDDİR.

«Amnesty International» İran Azərbaycanı fəalları haqda təcili bəyanat verib

Əbülfəzl Paşaoğlu

«Amnesty International» beynəlxalq insan hüquqları təşkilatı 21 fevral Ana Dili Günü nümayişləri ilə bağlı həbs olunan fəallar – İsmayıl Cavadi, Əbülfəz Əlilu, Ramin Sadiqi, Qəhrəman Qənbərpur, Adil Allahverdipur, Cəlil Qənilu, Səfərəli Xoini və Cəfər Həqnəzəri ilə bağlı təcili tədbir kampaniyası başlayıb.

Martın 10-da verilən bəyanatda adı çəkilən şəxslərin dil hüquqlarının bərpasını tələb etdikləri üçün həbs olunduqları bildirilir. Sənəddə həmçinin qeyd edilir ki, təşkilat Beynəlxalq Ana Dili Günü nümayişləri ilə əlaqədar yüzdən artıq azərbaycanlı fəalın həbsi barədə məlumat əldə edib. Onlardan 25-inin yalnız Nəqədə (Sulduz) şəhərindən olduğu qeyd edilir.

Ərdəbildə həbs olunan 27 fəaldan biri Ramin Sadiqi azadlığa çıxıb. Fəalın azad olunması Beynəlxalq Amnistiya təşkilatının onun haqqında təcili tədbir kampaniyasına başlamasından bir neçə saat sonraya təsadüf edib. Urmiyə jurnalisti İsmayil Cavadi də həmin gün həbsdən azad edilib.

http://www.azadliq.org/Article/2007/03/12/20070312120813657.html

Dünya Azərbaycan  Qadınları konfransı

 

3 – 4 mart 2007-ci ildə  “Günəş”  Azərbaycan Qadınlar Dərnəyinin təşəbbüsü ilə İsveçin başkəndi Stokholm(Stockholm) şəhərində 8 Mart Uluslararası Qadınlar gününə həsr olunmuş Dünya Azərbaycan  Qadınları konfransı keçirildi. Yurtdışında ilk dəfə  olaraq keçirilən və Azərbaycan Respublikasından, Güney Azərbaycandan, İsveçdən, Almaniyadan, Belçikadan, Avstraliyadan  nümayəndələrin iştirak etdiyi bu konfransda dünya qadınlarını inciden bir sıra çətinliklərə toxunulmuş, özəlliklə Azərbaycan qadınlarının sorunları geniş şəkildə dilə gətirilmişdir. Konfransda BMT Qadın Hüquqları Komissiyasının müdiri, BMT İsveç Təşkilatı İdarə Heyətinin üzvü Gunvor Ngarambe, Uluslararası ef örgütü (Amnesty İnternational) nümayəndələri Maria Lohe və Vivian Daza-Sauceu, Stockolm Universiteti Gender İnstitunun müdiri, dosent Birgitta Ney, İsveç Qadınları Lobbi Birliyi İdarə Heyətinin üzvü Viveka Holst, Azərbaycan-İsveç Elm Mərkəzi koordinatoru Bəhram Atabəyli, Stockholm, Yöteburq (Göteborg) və başqa şəhərlərdən olan çeşidli qonaqlar da iştirak etmişlər.  

Konfransda uluslararası sözləşmələrdə qəbul edilmiş  qadın haqq və hüquqları, Güney Azərbaycanda qadın haqlarının durumu,İran ana yasalarinda etnik, cinsi ayri-seçkinliklərin Güney Azerbaycan qadin və qız uçağlarinda bir başa olumsuz etkisi,   Qarabağ problemi və onun Azərbaycan qadınlarına olumsuz etkisi, Azərbaycan Respublikasında qadınların sosial-siyasi həyatdakı rolu və  gender problemləri ilə bağlı  məsələlərə toxunulmuşdur.

Efsane Seviginin koordinatorluğu və Bəhram Atabəylinin aparıcılığı ilə keçirilmiş konfransda iki gün boyunca həm qonaqların, həm də konfrans nümayəndələrinin bir sıra maraqlı çıxışları dinlənilmişdir. Mövzuların aktuallığı, bir çox çıxışların səviyyəcə yüksək olması, ingilis dilindən Azərbaycan türkcəsinə (və qonaqlar üçün də Azərbaycan türkcəsindən  ingilis dilinə) birbaşa sinxron tərcümənin varlığı, çoxsaylı sualların və bu suallara cavabların verilməsi və s. konfransın daha da canlı, dinamik keçməsinə səbəb olmuş və iştirakçılar  konfrans təşkilatçılarının əməyini çox müsbət dəyərləndirmişlər.   

Konfransda aşağıdakı məruzə və çıxışlar dinlənilmişdir:

1. Azərbaycan Dövlət Rəssamlıq Akademiyasının professoru,  Bülbül adına Orta Ixtisas Musiqi Məktəbinin Direktoru, fəlsəfə elmləri doktoru, professor Nigar Əsgərova (Bakı): “Mədəniyyətdə və İncəsənətdə Gender problemi”.   

2. Azərbaycan İctimai Televiziya və Radio Yayımları Şirkətinin jurnalisti Yeganə Əmiraslanova (Bakı): “....................” .

3. Uluslararası ef örgütü (Amnety İnternational) nümayəndəsi Maria Lohe  (Stockholm) : “Qadın məhbusların ef məsələləri”.

4. Güney Azərbaycandan gəlmiş Rəhimə Abbasi (Zəncan): “İranda qadın haqlarına yönəlik yasalarda çatışmamazlıqlar”. 

5. Stockolm Universiteti Gender İnstitunun müdiri, dosent Birgitta Ney (Stokholm): “İsveçdə qadın haqları uğrunda mübarizənin tarixi”.

6.  İsveç Qadınları Lobbi Birliyi İdarə Heyətinin üzvü Viveka Holst (Stokholm)

7. “Babək” Azərbaycan Kurslar Dərnəyi İdarə Heyətinin üzvü Azər Fərruxi (Yöteburq): “Güney Azərbaycanda ana dilinin durumu və Azərbaycan qadınları”.

8. Əxtər Bedustani (Yöteburq): “Güney Azərbaycanda ana dili problemi”

9. BMT Qadın Hüquqları Komissiyasının müdiri, BMT İsveç Təşkilatı İdarə Heyətinin üzvü Gunvor Ngarambe (Stockholm): “Qadın hüquqlari”.

10. Azərbaycan Respublikasının xalq artisti Afaq Bəşirqızı (Bakı): “Teatr sənətində Azərbaycan qadınının keçdiyi tarixi yol”.

11. Yaqut Seyidova (Bakı): “Azərbaycan musiqişünaslığında qadının yeri və rolu”

12. Güney Azərbaycandan gəlmiş yazıçı və şairə Nigar Xiyavi (Təbriz): Azərbaycan qadınına həsr edilmiş şerlər   

13. Asif Ata Ocağı  nümayəndəsi, yazar Eluca Atalı (Stokholm):”Qadınlığın mahiyyəti”.

14. Pərvanə Ağapur (Yöteburq): “Qadın haqlarının təmin edilməsi Azərbaycanımızın yüksək şüur qatının açılmasıdır”. 

15. “Günəş”  Azərbaycan Qadınlar Dərnəyi başqanı Efsane Sevigin (Stockholm):   “İranda Güney Azərbaycan qadınlarının cinsə və etnik kimliyə görə ikiqat zorakılığa məruz qalması”.

Konfrans boyu çıxışlarla bağlı sual-cavablara geniş yer verilmiş, ayrı-ayrı mövzulara yönəlik müzakirələr çay-kofe və nahar fasilələrində də davam etmişdir.

Konfransın sonunda həm Güney Azərbaycandakı, həm də yurddışındakı  Azərbaycan Milli Hərəkatına bağlı şəxsiyyətlərdən və qadın haqları uğrunda mübarizlərdən gələn təbriklərə toxunulmuş, sonra isə edilən məruzə və çıxışların nəticəsi olaraq qərara alınmışdır ki:  

1. Bu gün  Güney Azərbaycan qadınları cins və etnik kimlik baxımından ikiqat  ayrı-seçkinliyə məruz qalmaqdadırlar. Konfrans bu durumu uluslararası insan haqları qurumlarına  yazılı başvuru ilə çatdırır və onlardan istəyir ki, bu haqsızlığın aradan qaldırılması İran İslam Cümhuriyyəti hökumətindən ciddi şəkildə istənilsin.

2. Qarabağ qaçqın və köçgünləri içərisində çoxunluğu Azərbaycan qadınları təşkil etməkdədir. Onlar öz ölkələrində öz ana yurdlarından  didərgin düşmüş və ağır bir durumda yaşamağa məhkum olmuşlar. Bu ağır durum yalnız onların öz doğma yurdlarına qayıtması ilə düzələ bilər. Konfrans uluslararası qurumlardan istəyir ki, bu problemə ciddi diqqət yetirilsin.

3. Bu konfransın sonucu və davamı olaraq 2007-ci il dekabr ayında Dünya Azərbaycan Qadınları Qurultayı çağrılsın.

 Konfransın birinci gününün sonunda Azərbaycan Respublikasından gəlmiş görkəmli sənətçilərimiz  Sevinc Sarıyeva (xanəndə), Malik Mansurov (tar) və Elşən Mansurov (kamança) triosunun konserti və Afaq Bəşirqızının çıxışları çox yüksək səviyyədə keçmiş və tez-tez surəkli alqışlarla qarşılanmışdır.