من
یازارکن
آغلادیم، سن
اوخورکن...
یونسکویا
باغلی اولان
بیر
استاتیستیک
قورولونون
وئردیگی
راپورا گؤره
ایراندا 36
میلیوندان
آرتیق تورک
کؤکه نلی
دیللرله
دانیشماقدا
اولان بیر
توپلوم
یاشاییر. بو
توپلومون
کولتورل
یاشامی نین
یئراوزوندن
بوتونیله
سیلینمه سی
اوچون، یوخ
ائدیجی
آسیلامیلاسیون
سیاستینه
اوغرادیغینا
داییر ایره لی
سوره لن
تئوریلر
واویقولامالار(اجرائیات)
دان بیرنئچه
سینه ایشاره
ائدیلیر.
ایلک
باشدا بیر تئز
ایسمارلاندی (سیفارش
وئریلدی):
"هئچ
بیرزامان
ایراندا تورک
اولمامیش.
بوگونکو تورک
دئییلن
توپلوم
اصلینده
فارسمیشلار و
دیللریسه
آذری پهلوی
ایمیش. انجاق
موغولار
ایرانی
آلاندان
سونرا، اؤلکه
نین
بیرقیسمینده
فارس دیلینی
خالقین
بئینیندن
سیلیب و
یئرینه تورک
دیلینی
یازماغا قرار
وئرمیشلر."
آلتی-
یئدی یوز ایل
بوندان سونرا
عراقدا بیر
عیرقچی ( نژاد
پرست) بیرعرب
دؤولتی ایش
اوستونه
گلرسه، بلکه
عئینی سؤزو
اونلاردا
کوردلره
قارشی دییه
بیلدیلر! ندن
اولماسین؟
امریکا هم
موغوللاردان
داها
گوجلودور، هم
ده
موغوللارین
الینده
اولمایان
رادیو،
تئلویزیون
قزئت، درگی،
کتاب، اوخول،
اوینورسیته و......
آمئرکانین
الینده بولجا
وار!!!
-
تورکلری
تحقیر ائدیب
اؤزلریندن
اوتاندیرماق
اوچون
اونلارین
علیهینه جوک
دوزلتمه
پروژه سه ی
حیاتا کئچدی.
-
رادیو
تئلویزیون
کاناللاریندا
، وچئشیدلی
جشن لرده
وییغینجاقلاردا
تورکلرین
لهجه لرینی
مضحکه ومسخره
ائتمه کله
برابر
اونلاری
سوپورگه چی،
قاچاقچی،
قابا(خشن)،
شرور،
قانماز، گئری
قالمیش، و...
کیمی بوخالقا
گؤستردیلر.
بونلارادا
دویمادیلار،
بیرتورکو 1384جی
ایلین اربعین
آخشامی " خوش
غیرت" دیزی
سینده(
سریالیندا)
بیر عراقلی
عربین
قارشیسیندا
اوتوردوب"
انا الاغ"
دییه رک
آنقیرتدیلار.
بعلی سئوگیلی
وطنداشلا ریم آنقیرتدیلار!!!
بونلارین
هامیسی نین
بیر تک آماجی
واریدی. اودا
توک گنجینی
تحقیر ائدیب "
من تورکم"
دییه بیلمه
سین اؤنله مک
ایدی. بیزه هر
جور توهین
ائتدیلر
اعتراض
ائدنده"سن
متعصبسن"
دئدیلر.
سئچیمدن
سئچیمه
آشیقلاریمیزی
تئلویزیونا
گتیریب ساده
جه ایرانی
تعریفله مه
لرینه ایذین
وئردیلر.
-
تبریز
اوخوللاریندا
تورک دانیشان
اوشاقلا ری
جریمه لدیلر.
-
تورک بولگه
لرینه فارس
سپاه دانش "لار
گؤندریب تورک
اوشاقلارینا
ساواد یئرینه
یاخشیجا فارس
دیلینی
اؤیرتمک
ایسته دیلر.
چونکو دیلینی
آنلامادیغی
بیر معلم دن
بیلگی
اؤیرنمک
مومکون
دئییلدیر.
-
فارس
شوونیستلر
بونادا
یئتینمه ییب،
ان اوست
دوزئیده "آذربایجان
عضو فلج ایران
است" دئیه رک،
تورک
اوشاقلارینی
فارس عائیله
لری ایچینده
داغیدیب
دیللرینی
کؤکوندن
دئییشمه نی
اؤنردیلر.
-
تورک خالقی
نین اؤز
اوشاقلارینا
تورکجه آد
سئچمه لری
یاساقلاندی. و
بوتون تورکجه
شهر، کند،
داغ، چای، یئر
آدلارینی
دئییشدیلر.
بیر خلیج فارس
آدینین
دییشمه سینی
قالدیرانمایان
آغالار،
تاریخی
آذربایجان
آدینین
اردبیل
اوزرینده
قالماسینی
چوخ گؤردولر.
حالبوکی
خراسانی
بؤلنده
خراسان
شمالی، جنوبی
و رضوی
قویاندا، هئچ
ده اوستان
اداره لرینین
تابلولارینین
دییشیلمه سی
گرکجه سیله "بار
مالی" دن
قورخمادیلار!
سون اولاراق
اورمو
گؤلونده
بولونان
آلتمیش
آدانین آدینی
بیر گئجه ده
تورکجه دن
فارسجایا
چئویردیلر.
داها
اؤنجه کی
سالدیریلارینین
قارشیسسیندا
جیددی بیر
دایانیشما
گؤرسه یدیلر
البته کی بو
قدرده جسور
اولا
بیلمزدیلر.
-
ایرانین
رادیو
تئلویزیونو
تبریز
مرکزینه
تورکجه
متنلرده ان
آزی 65% غیر تورک
سؤزلرینده
یارارلانمالارینی
حؤکم ائدیب "
ترکی دیری "
آدیندا بیر
دیل یاراتدی : "برای
رسیدن به
اهداف عالیه
انقلاب
اسلامی ، حرکت
در خط سرخ
ولایت و شهادت
برای هر
آذربایجانی
مؤمن و غیور،
وظیفه اسلامی
و ملی دیر"! هه
عزیزلریم : "
فارسی دری"
وارسا " ترکی
دیری" ندن
اولماسین؟!
ـ تورکلرین
فرهنگی
چالیشقانلاری
، الریندن
توتولماق
یئرینه،
بیرگون"
کمونیست"
بیرگون"پان
ترکیست" و
بیرگون"
تجزیه طلب"
مارکاسی ایله
قاوالاندیلار.
دونیانی "
گفتگوی
تمدنها" یا
چاغیران اؤز
اؤلکه سینده"گفتگوی
فرهنگها"یا
اینانمیردی.
وهر زامان بو
ساحه ده بیر
سؤال اولدو، "در
این برهه حساس
وقت این حرفها
نیست" دئدیلر.
همیشه بو
اؤلکه نین
بوتون"برهه"
لری بیزیم
اوچون"حساس"
اولدو.
بونلار
مینلرجه
دوشوندوروجو
اؤرنک (مثال)
دن بیرنئچه سی
دیر.
بیراؤرنکده
اقتصاد
یاتدان
گئیریب چوخ
اوزالتمایاق.
اینانین کی
بونلاری
یازماق بئله،
چوخ آجی دیر.
زهرکیمی آجی.
–
سگگیز ایل
آقای
رفسنجانی نین
جمهور
باشقانلیغی
دؤنه مینده
کیرمان
اوستانیندا
قویولان هر
مین تومنین
قارشی سیندا،
آذربایجان
اوستانلاریندا
یالنیز سگگیز
قیران(
بیرتومن ده
اولمادی)
کاپتیال(
سرمایه)
قویولدو. سببی
چوخ آچیق دیر.
بونلار بیزه
کیراچی(
مستاجر)
گؤزوایله
باخیرلار. او
اوزدن اؤلکه
نین پاراسینی
اؤلکه نین
بیرینجی درجه
لی
وطنداشلارینا
خرجه مک ایسته
میرلر.اونا
گؤره دیر کی
بوگون
تهرانین
مئیدانلاریندا
چانتاسی
چیینینده
دوروب ایش
گؤزله ین
ایشچیلرین
ایچینده بیر
کیرمانلی،
ایصفهانلی،
شیرازلی،ویا
بیر یزدلی
گؤرمزسینیز.
بونلار یا
ترکدولر یا
کورد، و یا لور.
بئله لیکله
جمعیتی قاریشدیریرلار!
ائله کی ،هیچ
بیر کولتورل
هویتی،
منلیگی
قالماسین. هر
شهرده هر تیره
دن تاپیلسین.
ائله کی هیچ کس
بیربؤلگه
آدینا بیر
میللت آدینا
بیر قوم آدینا
حاکمیتدن حق
ایستیه
بیلمسین. هله
تبریزده ده
فارس شهرکی
تیکه رلرسه،
هله عراق و
تورکیه
کوردلرینی
بئله باتی
آذربایجاندا
و تا اورمونون
ایچینه قدر
یئرلشدیرلرسه،
گؤررسیزکی
ایستعمار
درسلرینی چوخ
یاخشی
آلمیشلار.
بودا سسیزجه
چالینان بیر
توتک دیرکی
سسی سونرا
چیخاجاق.
بو
آرادا اؤنملی
بیر مسئله یه
داها ایشاره
ائتمک
زوروندایام.
بیلدیگیمیز
کیمی بو عصر
الکترون عصری
آدلانمیش دیر.
یعنی اوزون
بیر دؤنم
بشرین دیلی
ودیل اوره
تیملری(
محصولاتی)
شیفاهی بیر
طرزده یاتای
ودیکئی( افقی
وعمودی)
اولاراق،
توپلوم
وزامان
ایچینده
کؤچورولموش(منتقل
اولموش) دور.
داها سونرا
یازی ایجاد
اولدوندو. .یازیتلار،
داش، پالچیق
وتاختا اوزه
رینده، یادا
دری و
اوناتای آراچ(
ابزار) لارین
اوزه رینه
داشیندی. و
یازیلارین ان
گلیشمیش حالی
کاغاذ ایجاد
اولدوقدان
سونرا کیتاب
حالینا
دؤنوشدو.آمما،
بوگون
مینلرجه
جیلدلیک
کیتابلاری
نئچه گراملیق
بیرِِِِCD اوزه رینه
داشیماق
مومکون
اولموشدور. هله
هرجوره
بیلگی، وئب
موحیطینده
آنلاین
اولاراق
آنینیدا
دونیانین هر
بیر کؤشه
سینده
یاشایان
اینسانلارین
الینه
چاتینجا، چوخ
فرقلی بیر
دوروم
اورتایا
چیخیر.
دیجیتال
وآنلاینdatabasse
لرگلیشیب
یایقینلارشدیقجا
چوخ حجم لی یئر
توتان، ساخلا
ییب
قوللانیما
سونولماسی
چوخلو اوزمان
انسانلارلا
برابر چوخلو
مادی هزینه لر
گرکدیرن
کیتاب
وکیتابخانا
لارین
وارلیغیی
سورغو
ایشارتی
آلتینا
گئتمکده دیر.
لوطفن
نقل ائتدیگیم
بوحئکایه نین
سونوجونا
دیققت ائدین:
بیزهله
21 نجی
یوزایلده
تاریخین ان
اؤنملی
وعومروبیتمک
اوزره اولان
بوکولتورل
دؤنه مینین
بیرینجی
کیتابینا،
الیفبا
کیتابینا،"
بابا آب داد"
کیتابینا
بئله چاتا
بیلمه میشیک.
بیر باشقا
دیئیمله:
بیز
تاریخین ان
اؤنملی
کولتورل
دؤنمیندن
سیلینمیشیک،
سانسوراولموشوق.
یعنی بیزیم
آدیمیز مدنیت
ایده
ایددیعالاری
یئره گؤیه
سیغمایان
شوونیست
انسانلار
طرفیندن عمدی
اولاراق حذف
اولونموش.
سوی
قیریم
جینایتلریندن
ده
آغیراولاراق
ودونیانین
هئچ بیر
مدنیتلی
نوقطه سینده
ائشی
تاپیلمایان
بو
بویوکلوکده
بیر جینایتین
عامیللری
وساوونانلاری،
بیزیمله، هئچ
بیرشیئی
اولمامیش
کیمی
داورانیرلار."
نه اولموش کی؟!
آبارتمایین(
موبالیغه
ائتمه یین)"
دییه نلر،
بیزی اولوسال
بیرلیگه( وحدت
ملییه)
چاغیریریلار.
سفسته
ایله وئریلن
باشقا
بیرجاواب"
سیز دیلیزی
ایسته سه نین،
اوزامان
کورد، لور،
بلوچ،عرب،
تورکمن و... ده
دیللرینی
اوخوماق
ایسته رلر
واؤلکه ده
قارماقاریشیقلیق
تؤره نر. و
اولوسال
بیرلیک
پوزولار!!!
یئنه
ده اصلینه
باخار
اولورساق،
بونلار
دوننکی
اکدیکلری
آغاجلارین
میوه سینی
بوگون درمکده
دیلر.خالقی
جهالتین لاپ
دیبینه
بوراخان او
یوغون
چالیشمالار
اولماسایدی"
بلکه بوگون بو
سؤزلری
دانیشاندا
بیرآز
ائحتیاط ائده
ردیلر.
اؤلکه
نین ائیتیم – اؤیره تیم
باخانلیغی،
یوکسک اؤیره
تیم
باخانلیغی،
کولتور و
ایرشاد
باخانلیغی
رادیو و
تئلویزیون
تشکیلاتی و
یوزلرجه مدنی
تشکیلاتلارا
حصر اولونموش
میلیاردلار
تومن مدنی
بودجه نین
ایچینده تورک
مدنییتینین
پایینی بو
آغالارا
سوران
اولسایدی،
هئچ اولماسا
جاواب وئرمه
ده بیرآز
زورلاناردیلار.
دئوریم
زامانی،
ساواش
زامانی،
سئچیملر
زامانی،
وئرگی زامانی
ایرانلی
اولان بیزلر،
نئجه اولور کی
اؤلکه نین
بودجه سی
بؤلونن زامان
ایران دوشمنی
اولوروق،
وبیزه
آیریلان پای
بیزی
قالدیرماق
اوچون دئییل،
بیزی ییخماق
اوچون ایشله
نیلیر؟! بیز
ایرانلی
لارین دیلی،
کولتورو،
ادبیاتی،
عادت عنعنه
لری، موزیکی
وبوتون مدنی
وارلیغی،
ایرانین مدنی
وارلیغیندان
سایلیرمیرمی؟
نئجه اولورکی
فارس دیلینین
دونیادا
گئنیشلنمه
سینه
میلیاردلار
تومن پارا
خرجله نیب
هندوستان،
افغانیستان،
تاجیکیستان،
بوسنایا و...
مجانی کیتاب گؤندریلیر
آما بیز اؤز
اؤلکه میزده
اؤز مدنی
وارلیغیمیزدان
محروم
قالیریق؟!
بیزیم
دیلیمیزه و
آدلاریمیزا
هئچ
اوتانمادان
یابانجی
دئییلیر!
بوگونه قدر
هئچ
سورولمایان
مینلرجه
سورولار
آرتیق
سورولاغا
باشلامیشدیر.وداهادا
سیخ- سیخ
سورولمالیدیر.
هرهانکی
چوخ آنورمال
اولان بیر
مسئله نین
آچیخلاماسینا
اؤرنک تشکیل
ائده بیله جک
بوآغیر
دورومو هانکی
باشقا بیر
اؤرنک ایله
آچیخلاماق
مومکوندور؟!
ایشاره
ائتد یگمیز
مطلبلره
دیققت ائدن،
ایینه
اوجواینصافی
اولان
هربیرکس،فارس
حاکمیتینین
غیرفارس
میللتلرینه،
اؤزه للیکله
تورک
میللتینه
قارشی بسله
دیگی درین
وقاتی نیفرت
ودوشمنلیگی
چوخ راحاتجا
گؤروب، تثبیت
ائده بیلر.
ایندیسه
ایرانین
ایچینده
ودیشیندا
وارلیغینی
حیس
ائتدیرمیش
وچالیشماقدا
اولان سیاسی
آخیملا را چوخ
قیساجا
بیرگؤز آتاق.
1.
حاکمیتین
اؤزه یینده
اولان
ساغچیلار
2.
حاکمیتین
یانیندا
اولان
سولچولار
3.
حاکمیتدن
اوزاق واؤلکه
نین ایچه
ریسینده
چالیشان
ناسیونالیستلر
4.
اؤلکه
نین دیشیندا
چالیشان خالق
موجاهیدلری
5.
اؤلکه
نین دیشیندا
چالیشان
کومونیست لر
6.
اؤلکه
نین دیشیندا
چالیشان
شاهچیلار
بونلاری
سیرالاماقدان
مقصد نه دیر؟
بواؤلکه نین
یا خین،
اورتا،
واوزاق گله
جکده طا لعینه
حاکیم اولا
بیله جک
پوتانسیئله
مالیک اولان
بو سیاسی
قروپلار و
آخیملاردیر.
بونلارین
هر هانکی سینی
گؤزله مک
واونا اومود
بسله مکدن
اؤنجه
اونلارین
ایدوئولوژولارینی،
دوشونجه
لرینی
ومانیفئست
لرینی
دوشونمک
لازیمدیر.
سونوندان
باشلایاراق،
اؤنجه
شاهچیلارین
بیزه قارشی
موناسبتلرینی
دوشونک.
بوگونکو
دورومدا
یاخیندیغیمیز
عدالتسیزلیکلرین
تمل داشینی
قویان بو قروپ
اولموشدور.
بیزیم نه
دیلیمیزی، نه
ده
کولتوروموزو
قبول ائتمه
ینلرین
باشیندا گلن
بوقروپ، بیزه
تاریخ
اویدوراراق
سویوموزو
بئله
اؤزلرینه
باغلایاراق
بیزی آریایی
آدلاندیریرلار.
وچوخ آزینلیق
بیردورومدا
اولدوقلاری
حالدا بئله
بونلاری
آچیخجا سؤیله
مکدن چکینمه
ییرلر.
کومونیستلرین
سه هرشئیدن
اول اساس
پرنسیپ کیمی
داشیدیقلاری
ایدئولوژی،
تورک خالقی،
اؤزه للیکله
آذربایجان
خالقی نین
اینانجلاری
ایله
بوسبوتون ترس
دوشمکده دیر.
خالق
موجاهیدلرینه
گلدیکده،
بونلارین
ایندیه قدرکی
قابا
داورانیشلاری
خالقین
طرفیندن
منیمسه مکله
برابر،
اونلارین
سیاستلری
اولدوقجا
مرکزیتچی
بیردوشونجه
یه باغلیدیر.
ومرکزیتچی
بیرگوج
طرفیندن طرد
اولدوقلاری
حالدا،
اؤزلری هیچ
جوره بیر
پلورالیزما
سیجاق یانا
شماماقدادیرلر.
وارلیقلارینین
ضرورتینی
اورتایاچیخارمیش
اولان قومیت
چیلیک قارشی
سیندا
میللیتچیلیگی
ساوونان
بوگونه
قدرطبیعی
اولاراق
حاکمیتلرین
بوتون
اویقولامالارینا
قارشی
گلمیشلر،
بیرتک
اونلارین
قومیتلره
قارشی
موناسبتلریندن
ساوای. هله
بواویقولامارلاری
یئترسیزگؤرموش
وبونو خالق
دسته گینه
ائحتیاجلاری
اولدوقلاری
حالدا بئله
اوجابیر سسله
دویورماقدان
چکینمه میشلر.
حاکمیتین
یانیندا قالا
بیلن
ایسلامچی
سولچولار
میلیت چی لردن
بیراز داها
ایسلامچی
وبیرآزداها
آزعیرقچی
اولموشلار.آما
یئنه ده
خالقین
دستگینی" ای
ایران" سرودو
کیمی شعرلرله
قازانماغا
چالیشمیش
ایران
کولتورونون
تمثیلچی سینی
فردوسی نین
غیرفارسلارا
قارشی اولان
شاهنامه سی
بیلمیشلر.
ساغچی
لاردطرفیندن
بیرچوخ ریکسی
گؤزه آلاراق
بایرام توره
نلرین باخان
دوزئینده"
تخت جمشید" ده
کئچرمکدن ده
قاچینمامیشلار.
وتورکلرله
ایلگیلی
اولان
خبرلرین عمدی
اولاراق
بایکوت
ائتمکلرینی
بئله
تئوریسنلری
طرفیندن
آچیخلامیشلار.
سون
اولاراق
حاکمیتده
اولان
محافیظه کار
ساغچی وآشیری
ایسلامچیلارا
گلدیک. بونلار
ایدئولوژی
ومانیفئست
باخیمیندان
هرکیمدن داها
آزآنتی تورک
اولموش آما
یئنه ده
اویقولامارلاری
گؤزلراونونده
سریلمیشدیر.
اؤزه للیکله
رادیو و
تئلویزیون
تام اولاراق
بونلارین
کنترولوندا
چلیشماقدادیر
وبوتشکیلاتلارین
تورکلره
قارشی
وئرلیشلری
هراینصافلی
بیراینسانی
عصبی ائتمه
کده دیر. آنتی
تورکلوک
بواؤلکه ده
بیرایستراتژی
حالینا گلمیش.
اوناگؤره حتی
بوکسیم بئله،
ایللر بویو
ساووندوقلاری
دوشونجه و
داورانیشلارینین
ایسلام
کولئورو
واخلاقینا
ترس دوشمه
سینه رغمن بو
ایستراتژیدن
وازکئچه
بیلمه میش.
بودیه
رلندیرمه لری
توپارلاماق
ایسترسک،
ایرانا عایید
سیاسی
قروپلارین
تورک
میللتینه ان
یا خینی
بوگونکو
ایقتیداردا
اولان،
وحاقلی
اولاراق
الیندن بوقدر
چاغیریب
باغیردیغیمیز
ایسلامچی
قروپون
اولدوغونوآچیق
آیدین گؤره
بیله ریک. بیر
باشقا
دئییمله
ایران
تورکلری
بوگونکودوروملاریندان
داها یاخشی
بیردورومو
گؤزلمه
ملیدیرلر.
داها ساده
سؤیله سک، من
فارسلارایچینده
تورک دوستو
گؤرمه مکده یم.
طبیعی کی بو،
بیزیم
بینانین
فیلان
قاتیندا
اوتوران
بئهمان
قونشونو
قصدائتمک
دئییلدیر.
وداهادا
تورکجه سینی
سؤیله سم تورک
اؤزو اؤز
قئیدینه
قالمالیدیر.
آما
بیزلرنه ایش
گؤره بیلریک؟
بوآرادا
هرکسه
بیرگؤره و
دوشمکده دیر.
بوگون
بیزیم
قیراقدا
یاشایان
وطنداشلاریمیز،
ایران
تورکلرینین
دورومونو
اویغون
بیلدیکلری
بیچمیده
والده ائده
بیله جکلری
آراچلارلا،
البته ال
بیرلیگی ایله
دونیا
چاپیندا
گونده مه
داشیییب و
بیزیم
اینسانی
حاقلاریمیزی
هم ساوونوب
وهم
ساووندورمالیدیرلار.
واللریندن
گلدیگی قدر
خالقیمیزین
دا
آییلماسینا
یاردیمچی
اولوب و
چالیشقانلاریمیزی
دسته کله یبب و
دسته
کلندیرمه
لیدیرلر.
ایچه
ریده یاشایان
خالقیمیزسا،
نه ایش گؤره
جکلرینی
یاخشی آنا لیز
ائده بیلمه سه
لربئله،
دوشمنلرینین
ایسته کلری و
اویقولاردیقلاری
سیاستلره
بیرگؤزآتسالار،
اونلارا
بیرنئقاتیو
ایشارتی (
علامت منفی)
اکله مکله
خالقیمیزین
ائحتیاجلا ری
واؤنجه
لیکلری
اللرینه گله
بیلر.
بونلاردان
بیرنئچه سی
همین بومقاله
ده
ساییلمشدیر.
یئترکی
اؤزوموزه گه
لک،اؤزوموز
اولاق، تورک
اولاق.هم
آدیمیزلا هم
دیلیمیزله
وهم ایراندا،
و دونیاداکی
اقربالاریمیزلا.
آییق اولاق،
وجیددی اولاق.
تسلیم
اولمایاق بیز
حاقلاریمیزی
ایسته مکده
ایصرارچی
اولمالییق.
میللی
واینسانی
حاقلاریمیزین
قارشیسیندا
رد جاوابی
ائشیدن کیمی
قاییدیب
گلمیه ک، بلکه
اونلاری الده
ائتمک اوچون
باشقا یوللار
آختاراق.
زامان
هیزلا کئچیر و
بیزچوخ،
آماچوخ گئج
قالمیشیق.
زامان
کروانیله
آچیلمیش بو
آرانی
قاپالتماق
اوچون نئچه
قات
چالیشمالیییق.
یوخسا فاتحه
میز اوخونار.
دالدان
آتیلان داش دا
توپوغا ده یر.
عزیزلریم آز-چوخ
چیخان تورکجه
کیتاب
ودرگیلری
اوخویوب،
آیدنیلار و
چالیشقانلارلا
ایلیشگیده
اولوب،
ییغینجاقلارا
قاتیلین.
اؤزونوزو
دونیایا
گؤسترین.
عاقلینیزا
گلن هر یول
ایله سسینیزی
دونیایا
دویورون.
تورکجه دئییم
آرخاداشلار: آغلامایانا
ممه یوخدور. دونیایا
اؤز
گؤزونوزله
باخین. تورک
دونیاسی ایله
ایلگیلی
خبرلری ایزله
یین، تورکجه
اینترنت
سایتلارینی
ایزله یین. هئچ
بیر
ایتتفاقین
یانیندان
دویارسیز
کئچمه یین.
دونیانین
یاخینیندا
اوزاغیندا
کئچن هر
بیرمسئله نین
تورکه نیسبت
اولوملو
واولومسوزلوقلارینی
آراشدیریب،
آنالیز
ائدیب، اونا
گؤره
داورانین.
ایران
کوردلرینین
اؤجالان
مسئله سینده
کی
داورانیشلارینا،
وطالیانی نین
عراقدا
جمهورباشقانی
سئچیله نده کی
تپکی( عکس
العمل) لرینه
باخین بوگون
آییلماساق،
یارین چوخ گئج
اولاجاق.
علی