قورخو
ده ده ؛
تانگري
دره سين قورو!
(2)
یوخاری
آنباران
گورونوشو
نمينين7
کيلومتر
ليگينه
یاخین، گوزه ل
بير آخار
باخاردا
،آنباران قصه
به سي ،اوجا
آغاجلارآراسيندا
اوتوروبدور.آنبارانين
مئهريبان و
صميمي
اهالیسین گورونجه
داها آرتيق
اوره ک لريميز
سئويندي.
گوزه ل
آنباراني
اوتوب «تانگي
دره سينه»(تانگری
دره سینه) طرف
يولا دوشدوگ.
ماشينلار
قورو چاي
ايچيندن
سوروب
،دولاما بير
توپراق
يولونا
چيخديلار. يول
کند يولو
اولاراق چوخ
ائنيش-
يوققوشلو بير
يول ايدي.آنجاق
ماشینلار
گئدنده هیچ
توز
قالخمیردی،
ائله بیل
توپراق ، چوخ
دویولوب
برکلشمیشدی.
قوروچاي
مسيري ايله 3
تا 4
کيلومترليک
يولو،ياواشجاسينا
30 دقيقه يه
ياخين
سوردوک.
اوزومدن
سوروشدوم:بئله
بير قیسا يولا
بولديزر
سالينيب،
ايکي – اوچ
کورپو
تيکيليب،
ايشيق
وئريلسه
نه قدر هزينه
سي
اولاجاقدير!؟
يولدا قوروچاي
دره سي اوز
سئحيرلي
منظره لرين
ياواشجاسينا
باشلاميشدي.
هوندور سال
قايالي
داغلار، درين
دره
لر،آغاجلي
باغلار ، ان
طراوتلي بير
هاوا
قوجاغيندا
اويوموشدولار.
ائله بيل
گونشين
يوموشاق
ايشيلتيلاري
،آغاجلارين
پاييز
فصلينده
سارالماق
اوزه رينده
قالان
ياپراقلارينا
، سويوق
اونونده ديره
نيش قووتي
وئريردي.
قورو چاي دره
سي گئنيشله
نيب، بيرده ن
گوزوموزون،
قاباقيندا
تانگري دره
سينين قاپيسي
آچيليدي.
منيم گوزوم
دره ني و
هابئله قورخو
ده ده نين
اوزاق
گورونوشون
گورونجه،
هيجانلانيب
بيلمه دن ،
اوجا سسله
اردبيللي لر
کيمين دئديدم:
-
به ده
دونن سنون!
قورو
چای- تانگری
دره سی
تانگري دره
سينين عجيبه
گوزه ليکي
و هابئله
قورخو ده ده
هئيکلينين
عظمتلي
دوروشوقو، ها
ميميزي
سئحيرله
ميشدي!
ماشينلاري
دوردوروب،
تانگري دره
سينين
اوليندن،
موهنديسليک و
عکاسليک ،
دستگاهلارين
گوتوراراق
يولا دوشدوگ.
گوزوموز
قورخو ده ده دن
گوتورولموردو.
من قوروپدان
آيريلاراق ،
عکاسليق
دوربونوم
ايله ده
ده نين اونون
ده کي اولان
تپه یه چيخديم.
چاليشيرديم
اوزاقدان ده
ده نين
اوزنونده ن ،
بير نئچه شکيل
سالام.
ديجيتال
دوربونومو
اياقي اوسته
قويوب بوتون
گورونن منظره
لر ده ن شکيل
سالديم.
بو زاماندا
قولاقلاريما
چوخ تانيش و
روحلو بير سس
ده يدي!
قولاقلاريمي
داها ایتی
شهلدیم!
فرزاد
صمدلی