قورخو
ده ده ؛
تانگري
دره سين قورو!
(1)
هر زاد بير
تئلئفون ايله
باشلاندي!
تئهراندا
سحر باشي ايش
يئريمه ته زه
چاتميشديم کي
بيرده ن
جيب
تئلئفونومون
زنگي چاليندي:
-
سلام
فرزاد بي...نئجه
سن عزيزيم !
-
عليکم
السلام
عابباس قارداش...سيز
نئجه سينيز؟...اردبيلده
يولداشلاريميز
نئجه دير لر؟
-
چوخ
ساغ اولون ...
الحمدالله!
-
بويرون
... ائشيديرم...
-
سنين
اي - مئيلينه
بير
شاشيرديجي
شکيل
گوندرميشم ،
اونا حتما
ديقت ايله باخ!
-
البته
حتما باخارام!
آنجاق بو
شکيل، نه يه
عائيد اولور!؟
-
قورخوده
ده یه!
-
قورخوده
ده!؟
... و
بئله ليکله
قورخو ده ده
نين شکيلي
منيم اي –
مئيليمه
گونده ريلدي!
عابباسين
هيجانلي
دانيشيقلاري
، منيده
هيجانلانديرميشدي.
ائوه
يئتيشينجه
سورعت ايله اي-
مئيليمي
آچديم!
ایلک
شکیل
...فتبارک الله!
دوغوردان
منده شاشديم!
بو شکيلده
هوندور بير
تپه نين
باشيندا ،
اوجا بير سال
قايانين
اوستونده ،
چوخ
راحاتجاسينا،
حيرتله عظمتلي
بير اينسان
باشيني گوردوم!
هيجاندان،
اوره ييم
دويوندو و
سسيم باتدي.
تئز اردبيله
زنگ آچديم و
تانیشلاریم ايله
دانيشديم.
بير
سيرا الده
اولان
ايطيلاعاتي
آليب ، داها
آرتيق
اويرنمک
اوچون،ياخين
زاماندا
آذربايجان
سفرينه
،اردبيل
گوروشونه،
بيرعلمي –
خبري قوروپ
ايله ،
قرارلاشديم.
منله
بيرليکده
تهراندان،
دوکتور بهرام
اجيرلو
جنابلاري
اردبيله طرف
يولا دوشدولر.
عيني زاماندا
تبريزدن
موهنديس
عليريضا
صرافي
جنابلاريدا
کي «ديلماج»
درگي سينين
مسئول مودورو
دورلر ، مودرن
اولچمه وسيله
لري ايله ،
اردبيله ساري
گلديلر. ائله
بو زامانلار ،
موغاندان، علي
فردي جنابلاري
،«ياشيل موغان»
درگي سينين
باش يازاريدا
اوزلرين
اردبيلده
يئتيرميشديلر.
گئجه چاغي
بيز اردبيلين
گوزه ل و
سئويملي
شهرينه چاتديق.
سويوقدان
نفسيميزين
بوخاري
بيلينيردي!
بيزدن بير
گون اونجه چوخ
يونگول قار
ياغميشدي.
آنجاق هله
پاييزين
ايلک آييدي،
شوبهه سيز
هاوادا
اوقدر جان
واريدي کي بو
سئيره ک
آغ
اورتوکلري
اريده
بيلسين.
هرحالدا
گئجه نين
سويوق
چاغيندا من
بهرام ايله
بيرليکده اوز
آتا- بابا
شهريمه آياق
قويدوم و گئده
ن يولدا،
اردبيللي شيخ
صفي الدين
سارايينين
اونوندن
سويوشاراق
بو
اولو عاريف
و هابئله
سولطان
ايسماعيل
صفوييه
اوزدوتوب
سلام
گوندر ديم!
گئجه باشي
بوتون
يولداشلار
اردبیلده
توپلاشميشديق.
صاباحين
قرارين
قويدوق.
سحر چاغي
ساعات آلتيدا
حرکتدير!
يالان
اولماسين ،
اوتن سفرلرين
يورغونلوقلاري
و گئجه نين گئج
واقتيندا
ياتماقيميز
سبب اولدو
سفريميز
بيراز ائرته
له نسين !
نهايتده بير
ايکي ساعات
گئج
اولسادا، 11
نفر بير ليکده
يولا دوشدوگ:
موهنديس
عليريضا
صرافي،
عابباس
ليسانلي ،
فرزاد صمدلي ،
دوکتوربهرام
اجيرلو،اوستادعلي
فردي،عاريف
ليسانلي،
موهنديس
ايسفنديار با
وفا بيگديلو،
موهنديس فريد
عبدوالعلي
زاده، موحسون
رفيعي ، يئدي
ياشلي علي
ليسانلي
وهابئله
اونون آلتي
ياشلي
قارداشي مهدي
، ايکي
ماشيندا
بير ليکده ،
قورخو ده ده يه
ساري اوز
هیجانلی
سفریمیزی
باشلادیق.
من
اولان
ماشيندا علي و
مهدي
،آتالاري
ايله
مينميشديلر.
مهديدن
سوروشدوم :
مهديجان نئچه
ياشين
واردير؟
-
فرزاد
بي! منيم
يئددي ياشيم
واردير.آنجاق
زحمت اولماسا
آرادا مني
آتيلادا
سسله، بو آد
منيم ايکينجي
آديمدير!
ائله بو واقت
علي ده
دييلله نيب
دئدي:
-
پس
عمي جان،
منيده
اوختاي
چاغيردا!
اوشاقلارين
بو سوزلري
ايله ماشيندا
اولان لارين
هاميسي
گولومسوندو.
شوخلوقجا
سينا دئديم:
-
البته
منجه مهدی و
علی آدلاریندان
بو دونیادا
گوزه ل آد
یوخدور ،
آنجاق ، ياخچي
! سیز دییه ن
اولسون.
اما هله
سيزي بو آدلار
ايله سسله مک
بيراز تئزدي .گره
ک ياشا دولوب ،
آتيلا و
اوختاي کيمين
فراستينيزي و
شوجاعتينيزي
خالق يولوندا
گوستريب،
بلکه
بوآدلارا
لاييق
اولاسينيز.
آتانيز
ايجازه وئرسه
من سنی «سئرچه»
و علي ني«
بيتديلي»
چاغيراجايام!
سفرين
سونونا ده ک،
سئرچه و
بيتديلي،
قوروپوموزون
دوزو کيمين ،
يوموشاق و
اينجه
دانيشيقلاري
ايله
،هامينين
اوزون گولر
ساخلاديلار!
اردبيلدن
بير اوتوبان
طريقي ايله ، «نمين»ين
گوزه ل
شهرينه
چاتديق.
نمین
نمين
اردبيلين
شومال
شرقينده،اونون
25
کيلومترليگينده
يئرله شيبدير.
بو شهرين 50 مين
نفره ياخين
جمعييتي
واردير.
اردبيللي لر
نمينين
طبيعتين و
اونون
اهاليسين چوخ
سئورلر.
نميندن
سويوشوب ، «يوخاري
آنباران»ا
ساري حرکت
ائتديک. يول
آرانليقدان
چيخيب گئت گئت
دره له نيب تپه
لندي.
هر يان گوزه ل
و هر طرف چوخ
صفا لي ايدي!
من
آذربایجانی،
پاییز
فصلینده بو
قده ر گوزه ل
گورمه میشدیم.
بیزیم اولو
بابالاریمیز
دوغوردان دا
بیله بیله،
پاییزین
اوبیری آدین
سون «باهار»
قویوبدورلار!
فرزاد
صمدلی