تانگری
دره سی بیر
پروژه کیمی
علیرضا
صرافی
دگرلی
دوستوموز
فرزاد بگ
صمدلینین،
قورخو دده
حاقِّیندا
حاضیرلادیغی
رپورتاژدا
مندن نقل
ائتدیگی بعضی
ایفادهلر ده
وار. بو ایفادهلرین
ایضاحی و
تکمیلینده
آشاغیداکی
مولاحیظهلری
نظر
دیقّتینیزه
چاتدیریرام:
1-دقیق
اؤلچمه وسیلهلری
(توتال
ایستیشن)
اؤزوموزله
آپاردیغیمیزا
رغما، تخمینی
بیر یوللا
قورخو ددهنین
بویوتلارینی
اؤلچمک
مومکون اولدو.
آشاغیداکی
شکیلده (باخ 1-
نومرهلی
شکیله)
اؤلچولن
بویوتلاری
گؤسترمیشم.
قورخودده
10 قاتلی بیر
بینا ایله ائش
گلن سال بیر
قایادیر.
داشین
آغیرلیغی
ایسه
(آنجاق
قورخو ددهنین
باشی) 3500
تون
تخمین
ائدیلیر.
1- نومره لی
شکیل
2- بو
داش واقتیله
اود پوسکورن
بیر داغین
ارگین
ماتریاللارینین
باشقا
داشلاریله
قایناشیب،
دونوشماسیندان
عمله
گلمیشدیر.
ژئولوژی
ترمینی ایله
دئسم:« بئرئش»
داشددیر. اونو
تشکیل ائدن
کیچیک داشلار
ایسه «آندزیت»
نؤوعوندندیر،
سانیرام.
3-
آرکائولوژیک
باخیمیندان
اونون
حاقیندا قطعی
نظر وئرمک
چتیندیر.
آرکائولوق
دوستوموز
بهرام آجرلو
دا ائله همین
قناعته
گلمیشدیر. سؤز
یوخ کی
اطرافلی
آراشدیرمالار
و علمی
تدقیقاتلاردان
سونرا بللی-
باشلی بیر
ایدعا الده
ائده بیلریک.
4-
یئرلی اهالینین
قورخو دده و
تانگری درهسی
حاقیندا بیر
پارا
ایناملار و
ریوایتلری
وار، بو
ریوایتلر و
ایناملار
بؤلگهنین
فولکلورو
کیمی
تامامیله
توپلانمالیدیر.
اونلارین
بعضیسینه
فرزاد بگ اؤز
رپورتاژیندا
ایشاره
ائتمیشدیر. (باخمایاراق
کی قئید
اولونان
بایاتیلار فولکلور
سیراسینا
داخیل
دئییلدیر.)
5-
منجه تانگری
درهسی، کؤهوللریله،
داش
هئیکللریله،
ال دگیلمهمیش
طبیعتی و
دوغال
گؤزللیگی
ایله بؤیوک
بیر کومپلکس
کیمی، بیر
توریسم
مرکزینه
چئوریله
بیلیب،
آنبارانلی و
نمینلیلر
اوچون بیر
گلیر قایناغی
اولا بیلر.
آشاغیدا
اوخویاجاغینیز
مولاحیظهلر
بیر اؤنری
کیمی- لازیم
گلینجه
فایدالانسینلار
دئیه- مسئوللاریمزا
چاتدیریلیر.
الیف -
بؤیوک
میقیاسدا یئر
دپرمینه راست
گلینجه قورخو
دده آنا
قایادان
آیریلیب،
یئره دوشه
بیلر. نئجه کی
یئردهکی
داشلار دا
اؤنجهدن
قورخو دده ایله
یاناشی ایمشی
، قورخو ددهنی
گلهجک
ایللرده
قوروماق- چون
اونو آنا
قایادان
آییران
چاتلاری بتون
یئریتمهسیله
(بتون تزریقی
ایله) بیتیشدیرمک
و داشی
اوتوردوغو
یئرده
برکیتمک
لازیمدیر.
آشاغیداکی
فوتوشکیلده (2-
نومرهلی
شکیل) همین
چاتلاری گؤره
بیلرسینیز.
2- نومره لی
شکیل
بئی - ایللر بویو
قار، یاغیش و
یئل قورخو ددهنین
اوزونو،
گؤزونو
یالامیش،
بعضی
یئرلرینی
سیلیب،
ایتیرمیشدیر (باخ
3-نومره لی
شکیله). دیقتلی
بیر طرح
اوزوندن و بیر
هئیکلتراش
اکیپین
واسیطهسیله
اونون اوزونه
ال گزدیریب،
چؤهرهسینی (کاراکترینه
توخونمادان)
داها دا
آیدینلاشدیرماق
لازیمدیر.
جیم - اطرافا
تؤکولن
خیرداشلاری و
قوملاری الهییب،
سیمینت ایله
مالات
قاییریب، «شاتکریت»
یولو ایله ددهنین
اوزونه بیر-ایکی
سانتی متر
قالینلیغیندا
قورویوجو بیر
اؤرتوک چکمک
اولار. همین
مالاتین رنگینی
داشین رنگینه
اویغونلاتماق
و سو
نوفوذونون
قارشیسین
آلماق اوچون ،
مالاتا بعضی
آرتیریجی
مادهلر (داش
توزو، رنگ،
سیکا وس.....)
آرتیرماق
گرکیر.
یوخاریداکی
ایشلر هم ده
اطرافداکی «ایلان
داشی» و «قورد-
قارتال داشی »
و باشقا
داشلار اوچون
ده گؤروله
بیلر.
دال- آنباراندان
تانگری درهسی
بویونجا،
تخمینا 4
کیلومترلیک
بیر یول
چکیلمهلیدیر.
درهنین
میتولوژیک
حال و هواسینی
پوزماماق
اوچون بو
یولدا تیکیلن
کؤرپو، اسکی
کؤرپولریمیزده
ایشلهنن
نقشه و
ماتریاللارلا
تیکیلمهلی و
یولون باشدان
باشا داش
دؤشمهلی
اولماسی
تؤوصیه
اولونور.
ها
– آنباراندان
تانگری درهسینه
اوتوموبیل
گئت- گلینی
ممنوع ائتمک.
بو درهایچی
گزمگه «فایتون»
و «قونقا»
خطیندن
فایدالانماغی
داها اویغون
گؤرورم،
اصلینده
آیاقدا گئتمک
ایستهینلر
بیر ساعاتا
آنباراندان
قورخو ددهیه
چاتا بیلرلر.
واو- اورادا
تیکیلهجک
بینالار و
کاروانسارالار،
آذربایجانین
اسکی
معمارلیق
اصوللاریله
تیکیلمهلی و
همین درهده
اولان
داشلاردان دا
اساس
اینشائات
مصالحی کیمی
فایدالانماق
لازیمدیر.
3- نومره لی
شکیل
زا-
آنباراندان
قورخو ددهیه
یئر آلتی
الکتریک خطی
چکمک و گوجلو و
بویاقلی
پروژکتورلارلا
قورخودده و
اطرافداکی
داش هئیکللری ،
کوهوللری و
هابئله دره
لری گئجهلر
جانلاندیرماق.
حا
– قورخو ددهنین
ساغ و سولوندا
ایکی دره وار.
بو درهلرین
سولارینی
ییغماق اوچون
ایکی کیچیک سد
وورماق
گرکیر،
موناسیب
یئرلرده
گؤل
یاراتماق
اولار کی
اطرافداکی
گؤزللیگی
اؤزونده عکس
ائتدیرسین.
طا
- تانگری درهسینده،
اورانین
یئرلی
بیتگیلرینی
او جوملهدن
گیلدیک ، ایت
بورنو وس.....نی
چوخالتماق. سو
آنبارلاریندا
و گؤللرده
ییغیلان
سولاری همین
مصرفه
یئتیرمک
اولار.
منجه
بو ایشلری
تخمینا 4
میلیارد تومن
بودجه ایله
یئرینه
یئتیرمک
مومکوندور.
بو
پروژه اوچ
ایلده باشا
گلر (6 آی
موطالیعه و
خریطهلری
حاضیرلاماق
ایشلری و ایکی
ایل یاریم دا
ایجرا ایشلری)