عباس بی لسانی اهر حبس خاناسیندان:

بو ایلکی بابک قالاسی نین قورولتایی میللی حرکتیمیزین دونوش نوقطاسیدیر!

عابباس بی لئیسانلی آذربایجان میللتی نین تانینمیش فدایی عسکری، اهر دوستاغیندان آجلیق اعتیراضینی داوام ائدرک آذربایجان میللتینه خطاب اونملی بیر پیغام گونده ریبدیر:

«بو ایلکی بابک قالاسی نین قورولتایی، کئچن قورولتایلار آراسیندا وهابئله میللی حرکتیمیزین گئدیشاتیندا دونوش نوقطاسیدیر . بوتون کئچمیش ایللره باخاراق  بو ایل میللتمیز داها آرتیق اوز میللی  فعاللاری ایله هم رای و فیکرداش اولوب ، میللی حقلرینین قازانماسی اوچون مدنی اعتیراض دورومونو سئچیبدیر.

گوردوگونوز کیمی بو ایلکی قورولتایدا نئچه قوشون نیظامی و اینتظامی ایشتیراکچیلار ایله اوز به اوز چالیشردی کی  بو بیر ظولم ایدی. یول کسمکله و یا خود قهریه قوه لرله بیزیم حرکتیمیز دورمایاجاقدیر!

شوبهه سیز عیللتلر حل اولونماسا معلوللار دائیما تورنمکده قالاجاقدیر و نقدر ظولم و تبعیض واردیر دیره نیشده سوره جکدیر.»

دئمه لییک کی عابباس بی لئیسانلی آذربایجان میللتی نین آلتینجی قورولتاییندا هر بیر باسقییا رغما ایشتیراک ائدیب جومعه آخشامی قالا بولگه سینده آزادلیق مئیدانی نین یانیندا یاخالانیب دیر.

آلدیغمیز خبرلره گوره کلیبرین قاضی سی بو ایگید عسکرین ایتیهامین «قالادا تحریک ائدیجی حوضور !» تانئییبدیر و 50 میلیون ریال بوراخیلیشی اوچون قرار کسیبدیر .

 عابباس بی بو  عدالتدن اوزاق اولان قراری (میللتچی لر طرفیندن تامین اولدوغونا  باخمایاراق) تام رد ائدیبدیر.

اهر...ع.م.