بابک بو گون بیر آد دگیل
تقدیم به دوستداران بابک و مهمانان قلعه جمهور

بوگون بابک بیر آد دگیل. بیر توپلومون بایراقیدیر. بابک بو گون ائل ایچینده دولانیری، شهر شهر اوبا اوبا یول سالیری. جوان قوجا آتا آنا هامیلارین دردین آلیر، اورکده کی مساجلارین دونه- دونه عکس ائدیری

حمید دادیزاده

چهارشنبه ١٠ تير ١٣٨٣ – ٣٠ ژوئن ٢٠٠۴

بوگون بابک بیر آد دگیل. بیر توپلومون بایراقیدیر. بابک بو گون ائل ایچینده دولانیری، شهر شهر اوبا اوبا یول سالیری. جوان قوجا آتا آنا هامیلارین دردین آلیر، اورکده کی مساجلارین دونه- دونه عکس ائدیری.

بوگون بابک آذربایجان میللتینه باش ساغلیغی وئرمک ایستیر. بومیللتین اولو اولو سیرداشلارین، اوزانلارین قوپوزلارین مدرنیسمه چاغیریری. بابک بو گون بیزینندیر. اولمه یبدیر . ساوالانین ذیروه سیند ن ، سهندیمین دوزلریندن سسی گلیر. اوبالارا باش چکیری، خان چوبانلا هارای چکیر، ازادلیقا نور سپه لیر.

بابک بو گون هر یئرده دیر. تبریزیمین سیرخابیندان، اینالینین بولاغیندان، گوی زنگی نین داغلاریندان سسی گلیر. بابک بو گون بیر آینا دیر، آذربایجان میللتینین تاریخ بویو کیملیگینی، وارلیغینی گوستریری. بابک بو گون بیر بولاغدیر، آخیر داشیر، گوز تیکیبدی افقلره، قودرت وئریر سولموش دیله.

بابک بوگون دانیشیری. بو گون بیزه بیر میللتین صاباحیندان سوز آچیری. بیر میلتلین آدی سانی، بیر میللتین اقتدارین یاتمیش نسله بیلدیریری.

آذربایجان یئرلرینده بابک بو گون بیر بایراقدی. بابک بوتون تاپدالانمیش میللتلرین آتاسیدیر. او زامان کی بابک اوزون ظولمه قارشی قوربان ائتدی، او زامان کی خوررمیلر بابکیله قارداش اولوب بیعت ایتدی، بیر میللتین تاریخلرده وارلیغیدان خبر وئردی.

بذ قالاسی کلیبرده جوشور داشیر بو گونلرده، انربایجان دانیشیری اوز دیلیله، عاشیقلارین سازلاریله،
شاعیرلرین سوزلریله. تورک خالقیمیز سوفره لرین گئنیش آچیر، پایلاشیرلار چوره کلرین گوله گوله.
بو گون ساباح اولور اولسون، بابک سوزو اویانیشدان خبر وئریر، بیر میللتین وارلیغییندان سوز آچیری.
بابک یولو ائل یولودور، شانلی یولدور بابک یولو.
بذ قالاسی جمهوریت اینامینی داشییری . بابک سوزو چاغداشلیغا اینسانلاری چاغریری. دوشونجه لر میدانیدی بیزیم دونیا. آذر بایجان بایکیله دانیشیری. الهام آلیر بو گون میللت بو قالانین دوزوموندن. اونا گوره یورا بیلمز یول لار بیزی. قووشوبدور ساوالانیم سهندیمه. بذ قالاسی ایلهام یوللور بوزغوشونان قافلانتی یه.

دوشونجه لر میدانیدی بو گون دونیا . قیفیللانان دیللر بو گون اوجالدیبدی اوز سسینی. سوزه گلیر دیله گلیر سینمیش میللت. یاساق اولان دیل دانیشیر ایلهام وئریر سولموش خالقه.
اوغور اولسون یولونوزا