بابک
قالاسی نین
یولو
آذربایجاندان
گئچیر یوخسا
تهراندان؟!
یازار:
حمید و.
بیر آیدان آرتیقدیر کی بابک قالاسی مراسیمی
نین تاریخینین ده ییشیلمه سی شهرلر فعاللارینین
آراسیندا آز- چوخ دانیشیلیر. یعنی بوندان قاباق هله اینترنت سایتلاری و ایمایللاردا سؤز – ساو اولمادان بو اؤنملی
مسئله
فعاللارین
آراسیندا
تحلیل
اولونوردو.
هامی
بیلیر
کی،
داها
نئچه
ایل
بوندان
قاباقکی
کیمی
شهرلر
فعال
لارینین
تئز
– تئز
بیر
یئره
توپلاشماغی
راحات
دئییل.
ایچریده
فعاللارا
قارشی
گونو
– گوندن
تضییقلر
چوخالیر
و اونلارین چوخوسو گؤز آلتیندادیرلار و بونا گؤره ده اونلارین هانسی نظرلری اولارسا آچیقجاسینا دئیه بیلمزلر. ائله بو آچیدان باخساق فعاللارین و تشکیلاتلارین اؤز ایمضالاری ایله بیلدیریش وئرمکلری ده راحات دئییل.
ان آزی ایلگیلندیگیمیز فعاللار قالا مراسیمینین تاریخینین ده ییشیلمه سی ایله راضیلاشمیرلار و اونا گؤره ده ایندییه جن بو اساسدا هئچ بیر تبلیغی ایش گؤرولمه میش، حتا ایندییه جن مراسیمین تاریخینین ده ییشیلمه سینه گؤره بیر بیلدیریش ده یاییلمامیشدیر. میلت اوتوماتیک اولاراق تیر آیینین 2- جی هفته سینی مراسیمین تاریخی بیلیر. تاریخی دییشمک اوچون آیلارجا بوندان قاباق گرک اساسی تدبیرلر گؤروله
ردی. بونا گؤره ده آیین 18 و 19 گونلرینی
مراسیمه
اؤنرله
ینلر
آیلارجا
بوندان
قاباق
مسئله
نی دوشونمه لی و میلت
آراسیندا تبلیغ اتمه لی ایدیلر.
تیر آیینین 11 و 12 – ده میلت اوتوماتیک اولاراق و گئچن ایللرده اؤیرندیگی کیمی بابک قالاسینا ییغیشاجاقدیر. میلتین بیر آزاجیق ساییسندان باشقا چوخونون اینترنت ایمکانلاری یوخدور، بونا گؤره ده تاریخین ده ییشمه سی میلتی چاش - باش
ائده
جک و میلی حرکتی پارچالایاجاقدیر.
تیر آیینین 11 و 12 - ه
دوشن حضرت
فاطمه (س)
وفاتی اصل
وفات گونو
اولمادیغی
اوچون بعضی
ایل
سایارلاریندا
(تقویم لرده)
یازیلمامیشدیر.
یازیلان
تقویملرده
ایسه (بیر
روایته گؤره)
دئییلمیشدیر. حضرت
فاطمه (س)- ین
اصل وفاتی تیر
آیینین 31
چرشنبه
گونونه
تصادوف
ائتمیش و
تقویملرده
ایسه تعطیل
گونو قید
اولونموشدور.
بو ایضاحلارا
گؤره وفات
گونونو بهانه
ائده رک
مراسیم
گونونون
تاریخینی ده
ییشدیرمک
یانلیش بیر
حرکت گؤرونور
و یوزه – یوز
قالادا
ایشتیراک
ائدنلرین
ساییسینی
آزالداجاقدیر.
11 و 12 – ده
کئچیریله جک
مراسیمده
فعاللار وفات
موعضوسونو دا
نظره آلا
بیلرلر. هامی
نین بیلدیگی
کیمی
فعاللاریمیزین
دینی
اینانجلارا
سایغیلاری
وار و میلتین
دین و مذهبینه
توخونماغی دا
یاخشی
بیلمیرلر.
ایکی گونلوک
مراسیمین بیر
گونونده
موسیقی
اولمازسا بو
هم میلی
حرکتین دینی
اوصول و
اینانجلارا
حؤرمتینی
نوماییشه
قویار و هم ده
مراسیمین
سیاسی اوزونو
عکس ائتدیرر.
میلی فعال لار
مراسیمده کی
دانیشیقلار و
چیخیشلاریندا
وفات
موعضوسونا
توخونوب
ایضاح
وئرمکله و
قالادا
اویغون ایشلر
گؤرمکله هر
بیر بهانه نین
و سوء
ایستیفاده
نین
قارشیسینی
آلا بیلرلر.
بورادا
آیری بیر
اؤنملی مسئله
یه ده
توخونماق
یئرلی
اولاردی.
خاریجده
یاشایان هر
بیر گونئی
آذربایجانلی
یا هامینین حؤرمتی
اولمالیدیر.
بیلدیگیمیز
کیمی اونلار
میلی
موباریزه
میزین
یایینلانماسیندا
آز زحمت چکمه
میشلر. آمما
اونلار ایچری (گونئی)
مسئله لری
ایله ایلگی لی
داها چوخ
احتیاطلی
اولمالیدیرلار.
ائشیکده کیلر
چوخلو خطر و
قورخولاردان
قیراقدادیرلار
و فعالیتلرده
اللری
آچیقدیر. بو
مسئله دن
دولایی
بعضیلری نین
ائشیکدن
ایچریده کی
فعاللاری
رادیکال
حرکتلره
تحریک ائتمه
لری دوز
ساییلمیر.
بابک قالاسی
مراسیمی نین
تاریخینین
ده
ییشیلمه سینه
گؤره ایچریده
هئچ بیر اعلان
و بیلدیریش
یاییلمادان
قاباق چوخ
تأسسوفلر
اولسون کی
بعضی سیاسی
بؤلمه لر
ائشیکده
مراسیمین 18 و 19 –
جو گونلرده
گئچیریلمه
سیندن خبر
وئریر و
معلومات
یاییرلار.
بلکه ده
اونلار هر ایل
تیر آیی نین 18 –
ده ایراندا و
آذربایجاندا
بوتون
شهرلرده
یارانان حاد و
امنیتی
شراییطی
بیلمیر و
دوشونمورلر!!
مراسیمین 18 – ده
گئچیریلمه سی
1378 – جی ایلین
تهران بیلی
یوردونون
اولایلاری
نین ایل
دؤنومو
اولدوغو
اوچون
آذربایجان
میلی حرکتی و
فعاللاری
تاپدالاماق
اوچون دولتین
ا لینه آرتیق
بهانه لر وئره
جکدیر. هامی
نین بیلدیگی
کیمی هر ایل 18
تیرده بوتون
شهرلرین
فضاسی
بوتونلوکله
قورخونج ،
اضطرابلی و
پولیسی اولور.
اؤته یاندان
مراسیمین 18 - ده
کئچیریلمه سی
آذربایجان
میلی حرکتینی
بیر باشا
تهران مسئله
لری و
فارسلارین
قودرت
اوزرینده
آپاردیقلاری
ساواشلارا
باغلایاجاقدیر.
بوندان
دولایی
مراسیمین
اؤزگه لر
طرفیندن
موصادیره
اولماسی
احتیمالی دا
واردیر.
لاپ
تأسسوفلو و
اوره ک
آغریدان
مسئله کئچن
گونلرده نئچه
اینترنت
سایتیندا
یاییلان
یالان و
قوندارما
بیلدیریش
ایدی. مسئله
کوبود و
باشدان – باشا
چیرکین
اولدوغوندان
اینسانین
بئینینه ده
بئله سیغمیر.
یوزه 90% فعال
لارین خبری
اولمایان
بیلدیریش
یاییلیر و
تکذیبیه لر
وئریلدیکدن
سونرا چوخ
راحات
اینترنت
سایتلاریندان
گؤتورولور و
هئچ کیم ایسه
مسئله نین
نئجه
اولدوغوندان
سؤز آچمیر.
بئله ایشلر
میلی فعاللار
آراسیندا
اعتمادسیزلیق
یاراتمازمی؟
بو جور ایشلر
حرکتی
چاشدیریب
انحرافا چکمز
می؟! بو
دورومدا میلی
حرکتین هارا
گتمه سیندن
دانیشماق
اولارمی؟
سؤزو گئدن
مسئله نین
گولمه لی و عین
حالدا
تأسسوفلو
یئری
اوراسیندادیر
کی بعضی فورصت
طلب گروهلار
بو یالان و
اصلی
اولمایان
بیلدیریشی
اؤز گروهلاری
نین منفعت لری
اساسیندا
موصادیره
ائتمه یه
چالیشمالاریدیر!
یالانچی
بیلدیریشی
حقلی اولاراق
تکذیب ائدنلر
بو آغالار
طرفیندن
ایران رژیمی و
تهران
عامیللری
کیمی خیطاب
اولونورلار(باخین
اولایلار،
خبر نت و
اکسپرسده و...
ده گئدن
یازیلارا). بو
ایسه بیر
حالدادیر کی
تکذیب
ائدنلرین
هامیسی میلی
حرکتین ان
اؤنجول
لریندندیرلر
و اونلارین
کیم
اولدوقلاری و
ایشلری هامی
فعاللارا
بللی دیر.
شوبهه
سیز کی دوشمن و
میلی
حرکتیمیزی
گؤره بیلمه
ینلر
حرکتیمیزین
چاشماسینی و
انحرافلارا
گئتمه سینی و
نئچه یئره
بؤلونمه سینی
آرزی ائدیر.
یالنیز
آییقلیغیمیز
بوتون
سهولرین
قارشیسینی
آلاجاقدیر.