S.C.Pişəvərinin məzarının dəyişdirilməsi ilə əlaqədar növbəti :

                                          BİLDİRİŞ

H.Əliyev sağlığında ikən ona Bakıdakı Səttarxan adına

zavodun onun adına verilməsini bildirdikdə, öndər

bunu narazılıqla qarşılayıb demişdir :

“ Səttarxan bizim tariximizin şərəfli qəhramanlarındandır.

Mən onun adını daşıyan zavodun kiminsə ,

o cumlədən mənim adıma verilməsinə heç cur razı ola bilmərəm “

Güney Azərbaycandakı milli demokratik hərəkatın öndəri Azərbaycan Milli Hökumətinin başçısı S.C.Pişəvərinin məzarının başqa yerə köçürülməsi haqda keçən bildiriş və müraciətimizdə məlumat vermişdik ( www.tribun.com – www.azadtribun.com )

Həmin məlumatın davamı olaraq aşağdakıları əlavə edirik .

1.XII.2004 –ci ildə Azərbaycan Dövlətinin rəsmi nümayədəsinin bizimlə görüşündə dediyinə görə : “ S.C.Pişəvərinin məzarı ətrafındakı abadlıq işləri ilə əlaqədar olaraq ( H. Əliyevin vəfatının il dönümü münasibəti ilə məzarının abadlaşdırılması ilə bağlı ) S.C.Pişəvərinin uyuduğu məzar onun heykəli və digər abidələrlə birlikdə şəriət qanunları əsasında başqa yerə küçürülmüşüür .) Kömürülmə işlərinə başçılıq edən şəxs S.C.Pişəvərinin məzarının (sümüklərinin ) Fəxri Xiyabanında olmaması haqda söylədiklərinin yanlışlığı  ilə bağlı dünə- dünə üzr istəmişdir .

 Yuxarıda qeyd olan hadisələrlə bağlı növbəti məlumatı ona görə veririk ki , bizi və Azərbaycan Dövlətini gözü götürməyənlər hər vasitə ilə çalışırlar ki , bu hadisə ətrafında xoşa gəlməz “ şov “ yaratsınlar və bununlada Güney Azərbaycan milli qüvvələri ilə Azərbaycan Dövləti arasında nifaq toxumu səpməyə cəhd edirlər .

Biz bu bildirişlə əziz həmvətənlərimizin və Azərbaycana rəğbət bəsləyən bütün qüvvələrin diqqətini buna cəlb etmək istəyirik ki , düşmənlərimiz suyu bulandırıb balıq tutmaq fikrindədirlər. Ona görədə bizim hamımızın ayıq- sayıq olmağımız gərəkdir , düşmənə hər hansı formada fitnəkarlığ etməyə yol verməməliyik .

Biz yenə bu əqidədəyik ki , 1918-20 ci illərdə Quzey Azərbaycandakı, Azərbaycan Dövleti və 1945-46 ci illər Güney Azərbaycandakı Azərbaycan Milli Hökumətindən sonra , Quzey Azərbaycan Milli Dövlətinin bərqərar olması millətimizin 100 illərdən bəri milli arzu və istəklərinin həqiqətə çevrilməsinin bir hissəsidir .

Bununla birlikdə bir daha təkrar edirk ki , bir öndərin məzarını abadlaşdırmaq hesabına digər bir rəhbərin məzarının kömürülməsı bizim üçün yenə də qəbul olunmaz fakt olaraq qalır .

  Hürmətlə :

- PƏRVİZ  ƏSƏDİ.

- 21 Aər Təşkilatı – Yadulla Nəminlı

-DAK-Güney Komitəsi- Cavidan Elbars