بابك قالاسي
يا باشقا يئر !
؟
بابك
قورولتايي
حاقيندا "تبریزین
شاه گولوسو یا
کلیبرین بذ
قالاسی"
آدلي بير يازي
اوخودوم. بو
يازي دا كئچن
ايلين
سهويميزه
توخونولودوغونا
باخماياراق ،
يئني دن بو
تؤرنين
بؤلونمه سينه
يول آچان بير
تكليف ايرلي
سورولور! بو
يازيني
اوخوياندان
سونرا سس سيز
قالا بيلمه
ديم ،گرچي بو
مسئله نين
موركب
اولدوغونا
گؤره نظر
وئرمكده ده
چوخ احتياطلي
اولماغيمي دا
بيليرديم!
يازاجاغيم
نئچه سطر
يالنيز منيم
اؤز شخصي
نظريم دير.
آدي
چكيلن يازي دا
بابك قالاسي
تؤرنين ، شاه
گؤلويا
كؤچوروتمه سي
اوزره ،
يئترلي و
منطقي دليل لر
يازيليب .
آنجاق بو دليل
لردن
آغيرليغي
آرتيق اولان
بير حقيقت
اونودولموشدور،
اودا بو كي:
هله
ليك بيزيم
حركتي مديريت
و رهبرليك
ائدن گوجلو و
بيرگه بير
قووه يوخدور! و
بو دورومدان
اؤز ماهيت و
ثباتين (آز-
چوخ) تاپان
بابك
قورولتايين
زامان و
مكانين
دگيشمك
فيكيري بو
حركتين
يئنيدن
بؤلونمه سينه
سبب
اولاجاقدير!
بيز
چئشيدلي
قورولتاي و
توپلانتي لار
كئچيرتمك
اوچون ايلده 365
گون و
آذربايجان
وسعتده بير
يئريميز وار!
ندن بو يئني
تكليف اولان
قورولتاي
بابك قالاسي
گونونده
اولسون!؟
باشقا بير
قورولتايا
دوشونوروكسه
بابك قالاسي
قورولتايين
مكان و زمانين
حفظ ائتمكله
ياناشي
باشقاسين دا
قورا بيله ريك!
يعني بابك
قورولتايين
دگيشمگه بير
ندن يوخدور!
منجه
هله ليك
يالنيز و
يالنيز بابك
قالاسينين
محتشم
قورولماغين
دوشونمه
لييك،نظرده
آلمالييق كي
بو ايلده
تهران
شونيسمي
دونيا قامو
اويو (=افكار
عمومي)
طرفيندن
باسقي
آلتيندا دير و
بو بيزه بير
فرصت
ساييلابيلر.
دونيا حقوق
بشر
تشكيلاتلاري
و مخبرلرين
دقتين بو
قورولتايا
چكمه لييك.
باشقا
بير گونده ،
باشقا بير
يئرده و باشقا
بير مناسيبته
گؤره ، باشقا
بير توپلانتي
قورماق ايسه
ياخشي بير
تكليفدير،
اما بو تكليف
بابك
قورولتايينا
بير ضربه
وورماماليدير،
حتي منجه يئني
بير تكليفين
بابك
قورولتاييندان
اوغورلو و
عظمتلي
كئچيريله
بيلسه ده ،
بابك
قورولتايين
حذف ائتمه يه
بير دليل
يوخدور. حذف
ائتمگه مجبور
اولساق دا حذف
ائلمه دن
اؤنجه ، اول
باشقا بير
گوجلو
آلترناتيو
ياراتمالييق!
منجه
شاه گؤلو
تكليفي دگرلي
بير تكليف دير
، آنجاق بو
تكليفه بير
باشقا
توپلانتي
كيمي باخاراق
، بابك
قورولتاييندان
سونرا مذاكره
ائتمك
مصلحتدير.
يقين كي بو ايل
بابك
قالاسيندا
ظفر
قازانماديغيميز
تقديرده،
بئله بير
تكليفه آرتيق
ماراق
گؤسترمه لييك .
اگر بئله بير
تكليفي ده
شونيسمه
قارشي بير هده
قورخو كيمي
بابك قالاسي
عرفه سينده
ايرلي
سوروروكسه ،
اونون تام
اولاراق
باشقا بير
توپلانتي
اولماغين
اوخويوجولارا
وورغولامالييق!
اوخويوجولاريميزي
چاش باش ائتمه
مه لييك!
ياشار
تبريزلي
19
فروردين 84