بیز فارسجا یازیرکن!

محمد نورجو

بوگون ،بیزتورکلره ان واجیب ایش تورکجه ده یازیب یاراتماقدیر.

آنجاق هرعیلته گوره فارسجادا یازماق مجبوریتینده قالساق، خوصوصیله آذربایجان حقینده یازیرساق ،آشاغیداکی  خیصلتلری گوز اونونه آلمالییق؛

1. فارسجانی شعورلو و بیلینجلی یازمالییق.یانی تورکجه نی نظرده توتوب فارسجا یازماغیمیزگره کلیدیر. مثلا فارسجادا اولان تورکجه کلمه لری  حتما ایشلتمه لییک.

2.فارسجادا یئنی توره دیلن کلمه لری(میثال اوچون:رایانه،پایانه،یارانه،چرخبال،بالگرد،بردباری،شکیبایی ،گردشگر،پودمان و بوکیمی کلمه لر) موطلق ایشلتمکه جایز ده ییل.چونکو بونلار یاخین گلجه کده دیلیمیزه گئچیب و اونا ضربه ائندیره جکدیر.اونلارین یئرینه رایج اولان بین الملل کلمه لری گتیرمک داها اویغون اولابیلر.

3.اوز آرامیزدا یازیشارکن و یا موخاطب لریمیز تورکجه بیلن حالدا یازیمیزدا باشاردیغمیز قدر تورکجه کلمه لر و دئییم لر گتیرمه لییک.بو ایشین بیر چوخ فایداسی واردیر:

الف: تورکجه نی یاخشی بیلمه ین لر بو  یازیلاری اوخویاندا دیلیمیزی ده اویره نجدیرکلر.

ب: شووینیست لر بئله متن لری راحاتجاسینا اوخویا بیلمه دیکلری اوچون  تورکجه اویرنمه یه مجبور قالاجاقدیرلار.

ج:یازیلاریمیز بو طریق ایله بیر فارسین یازیسیندان فرقلی اولور وزمان گئتدیکجه فارسجادا تورکلره مخصوص بیر شیوه یارانیر.

اورنک یازی:

ما باید در نوشتن ،خواه فارسجا و خواه تورکجه ، با شعور یعنی بیلینج عمل کنیم و از همه امکانات و اولاناق های  زبان تورکی استفاده کنیم .