ناجاغين
ساپی
اؤزوموزدن
دير!
بوگون 11 مارت،
دورنا
سايتيندا
مرتضی نگاهی
به یین «استقلال
يا تجزيه»
آدلی بير
يازيسی
گؤزومه
ساتاشدی. بو
یازی ایله
باغلی ده
یرلندیرمه
میزی کنکرت
شکيلده تقدیم
ائدیریک.
مرتضی
نگاهی باشقا
ايران پرست لر
کيمی،
ايرانين فارس
عرقچیلیگی
مرکزلی ساختا
تاريخ
تئوریلریندن
اؤيرنميش
معلومات
داغارجيغينی
آچيب و
آذربايجان
ايستقلالينا
اينانان بير
وطنداشيميزی
توپ، تفنگ
آتشينه
توتموشدور. نه
وار کی بو
وطنداشيميز
يازيسيندا
آدينی
يازماقدان
امتناء
ائتميشدير.
مرتضی نگاهی
ده بو ”فرصت ”دن
استفاده ائده
رک اونو
قورخاقليقلا
و
رياکارليقلا(!)
اتهام
ائتميشدير.
سایین مرتضی
نگاهی تهران،
اراک،شيراز،
خراسان و
کرمان و... دا
ياشايان
آذربايجان
تورکلری نين
طالعيندن
نگران
قالماغينيز
يئرسيزدير. بو
وطنداشلاريميزين
چوخو بللی
تاریخ حادیثه
لر سببیله
مختلف
یئرلرده
مسکونلاشمیشلار.
بو گون ایسه
فارس
شوونیزمی بو
طبیعی
پروسئسدن اوز
چیرکین هدفی
اوچون
آذربايجانا و
اونون میللی
منافعینه
قارشی
استفاده
ائتمه یه
چالیشیر.
سایین
مرتضی نگاهی
ترکيه بيزيم
قارداشيميزدير،
بو فاکتی
کيمسه
بيلمزسه - بيلسين!
ترکيه ايله
بیرلشمک
اتهامی ایله
آذربایجانین
میللی
اینسانلارینی
متهم ائتمک هر
پان ايرانيست
و بئله قووه
لرين بوش
سؤزلری دير. «اورمو،
سلماس، خوی
اهالی سی
بيرينجی
دونيا محاربه
سی عرفه سينده
ياغی
دوشمنلريميز
طرفيندن سوی
قيريمينا
معروض
قالارکن
ايران حکومتی
سوسارکن،
عثمانلی تورک
اوردوسونون
قدرتلی
توپلاری نين
آتشی ظالم
دشمنی ديزه
چؤکورتموش
و آذربايجان
تورکلری نين
قالانلارين
جدی شکيلده
اؤلومدن
قورتاردی»
لطفا تاريخی
حادثه لر
حاققيندا
يالنيز اؤز
داغارجيغينيغيزدا
اولان
معلوماتا
قناعت ائتمه
يين.
جنوبی
آذربايجانليلارين،
شمالداکی
باجی
قارداشلارينا
قؤوشوب و نئجه
بير حکومت
قورماسی دا
ايکی يئره
بؤلونموش
خالقين اؤز
اراده سيندن
آسيلی دير. بو
ايش اوچون
خاريجدن و
فارس دللالی
کيمی آذربايجان
آدی داشييان
عنصرلردن
يارديم
تمناسی
اولماياجاق و
بونا امين
اولون.
نئچه
عاليملريميزده
ن آد گلييب، بو
ديرلی
وطنداشلاريميزا
سايقی ايله
ياناشيريق،
آمما
آذربايجان
خالقی بير يا
نئجه شخصيتدن
عبارت دگيل.
آذربايجان
خالقی دونيا
نورمالاری
ايچريسينده
دموکراتيايا
باغلی دير و
عاليملريميز
ده خالقدان
آيری دگيل و
آذربايجان
ميللی حرکتی
ايچرسينده
چاليشيرلار.
بو
عاليملرين ده
ايستقلال
شعاری وئرمگه
ضرورتی
يوخدور.
آذربايجانادا
ايستقلال
نسخه سی بو
عاليملرده ن
آسيلی دگيل.
مرحوم
ميرجعفر پيشه
وری نين
اوغلونون آدی
مثلا داريوش
اولماسی نين
بيزيم بو
گونکو ميللی
ايستکلريميزده
نه دخالتی
اولا بيلر؟ يا
پيشه وری نين
آذربايجان
سئورليگيندن
نه قدر آزالدا
بيلر؟ هر
کيمسه هر آدی
سئويب و
قوللانماسی
عجوبه بير
شئی اولا
بيلمز. يا
کيمسه اوشاغی
نين آدينی غير
آذربايجانی
آد قويسا
گناهاکار
دگيل. بئله بير
عامل لر
اينسانين
مرام و
آمالينی
کیچیلده
بيلمز. البته
کی ايرانين
شوونيزم
سيستئمينده
خصوصيله
پهلوی لر
چاغيندا و يا
اسلام
حاکميتينده
اصيل
آدلاريميز
اوچون حساسيت
گؤسترمک
تصادفی دگيل.
ماراقلی دير
کی، بوگون
آذربايجانلی
عايله لرين
اويانيش
مرحله سينه
چاتماقلاری
گؤزدن
قاچيريلماز
بير فاکت دير.
يئنی
اوشاقلارين
آدی عموميتله
تورک سويلو
آدلاردير و
نئچه آد دا سيز
اؤزونوز
اؤرنک
اولاراق
اشاره
ائدميسينيز (اوختای،
تيمور آتيلا )
و...
اؤزونوز
اشاره
ائتديگينز
کيمی، سيز
گؤروب يا
ائشيدمه می
سينز کی،
ايران
تورکلری
ايرانا دال
چئوير سين و
ستارخان ،
باقرخان ،
خيابانی ،
حيدر عمو
اوغلو و پيشه
وری ده ن ده
آد آپار می
سينز.
آقا مرتضی!
ستارخان او
زامان جوان
تورکلرله
علاقه
يارادارکن،
تهران
ارتجاسينا
آذربايجانين
مستقيلليگی
اوچون
اولتوماتوم
وئردی و بئله
سند اؤزه
چيخماقدادير.
ائله
آذربايجان
ميللتی نين
مغلوب
اولماسی بو
رهبرلرين
صداقتيندن و
ايرانا
اينانماقيندان
اورتايا
چيخدی. و بو
گون آنا
ديلينده بير
اوشاق
باغچاميزدا
يوخدور و...
يئنه
ايرانين
ساختاکار
تاريخين
خاطيرالييب
اشرف افغان،
عرب، مغول و
تيموردان
اوخوجولارا
سؤز
آچيرسينيز. بو
سووقاتلاری
داغارچيغينيزدا
ساخلاييب و
اؤز
فيکيرداشلارينيزلا
پايلاشسانيز
ياخشی اولار.
بيرداها بئله
خاطيرلاييرسينيز:
بو گون ايران
تورکلری
خصوصی ايله
آيدينلار
فرهنگی
مبارزه
آپارماقداديرلار
کی، ائليه
بيلسينلر
باشقالاری
ايله برابر
حقوقا مالک
اولسونلار.
آقا مرتضی!
ياخشی
بيليرسينيز
کی ايران
سياسی خريطه
سينده
ياشايان
ميللت لر، او
جمله دن
آذربايجانليلارين
اؤز ميللی
تورپاقلاريندا
ياشاماسينا
هئچ کيمسه نين
شوبهه سی
يوخدور. و
پهلوی لر
چاغيندا ن
قوللانیلان تجزيه
کلمه سيندن بو
گونه ده ک
کسرلی سلاح
کيمی
قوللاناراق،
ميللتلرین
حاق سسلری
بوغازلاريندا
سوسدورولموشدور.
بس تجزيه
مسئله سی دگيل.
بوردا
خالقيميزين
نهايت يوکسک
آرزوسو ايستقلال
دير، يعنی
آزادليق،
اؤزگورلوک. و
بو آماجين
يوکسک زيروه
لرينه
چاتماقا مطلق
خالقيميزين
ميللی شعور و
اراده سينه
اينانيريق!
آقا مرتضی
نگاهی!
گؤزونوز
اؤنونده کی
ديوارلاردان
بويلانييب
اوزاقلارا
ياخشی
باخماغی سيزه
توصييه
ائديرم.
21- نجی عصرده
بير ميللتی
ايران آديله
داها
قارانليق
زندان دا
ساخلاماغا
کيمسه نين
حاقی يوخدور.
بوگون اودلار
يوردو
آذربايجانين
ايچريسی
وولغان کيمی
چالخانير،
آذربايجانين
مترقی
ناسيوناليزمی
نين يانار
اودو يئر
آلتيندان
پوسگورمک
حاليندادير.
بوگون آذربايجان
تورکونون
مسئله سی «سياسی
مسئله دير» و
باشقا
ايستکلر
هاميسی آزادليغيميز
ايچريسينده
لاييقجه سينه
اؤز يئرين
تاپاجاقدير.
آقا مرتضی
نگاهی! بوتون
يازديقلاريندا
يالنيز بير
گؤزل جمله
نيزله
راضیلاشديم و
او جمله بئله
ايدی: «اگر
مردم
آذربايجان
اصلا نخواهند
مستقل شوند چه»؟
بلی.
اؤنجه ده
اشاره
ائتديم،
بيرخالق
ميللی شعورا
چاتماسا،
زوراکيليقلا
الده ائديلن
آزادليق يا
ديکتاتورلوغا
چئويريلر يا
داکی سون
طالعی
مغلوبيته
معروض قالار.
بو اينکار
ائديلمز بير
حقيقت دير.
آذربايجان
ميللی حرکتی
هله ضعيف
اولسادا، بو
حرکتين تملی
خالقيميزين
مختلف طبقه
لرينه باغلی
اولماسی
سئوينديريجی
حال دير.
و گونو- گوندن
گوجلنمه سی
نين جانلی
شاهدييق.
نهايت
آذربايجان
خالقی ميللی
شعورا
داياناراق
اؤزو- اؤز
طالعينی گله
جکده الده
ائتمه سينی
باجاراجاق
دير.
حورمتله
ميرموسی
هاشمی
11-3-2005
mosahashemi@yahoo.com